Tuchel: Do të doja ta kisha në skuadër Camavinga-n, është ndër më të mirët në ligë

19:55 | 9 Shtator 2020
Arbresh Info

Trajneri i PSG-së, Thomas Tuchel ka pranuar se do donte ta shtonte talentin e Rennes, Eduardo Camavinga në skuadër.

Camavinga të martën u bë lojtari më i ri që luan për Kombëtaren e Francës, duke debutuar në moshën 17-vjeçare, transmeton portali arbresh.info.

Pavarësisht që kishte raportime për kalimin të Real Madrid-i, Camavinga ka konfirmuar se nuk do largohet.

I interesuar për francezin është edhe PSG-ja dhe këtë e ka konfirmuar edhe vet trajneri.

“Do ta doja në skuadër. Por nuk mund të flas për lojtarët e tjerë, të cilët nuk janë në skuadrën time”.

“Është ndër lojtarët më të mirë në Ligue 1. Është lojtar i mirë, i fortë me të ardhme. Nuk mund të them jo për ta transferuar, por nuk funksionon ashtu”, deklaroi ai.

Rennes për Camavinga-n thuhet se kërkojnë më shumë se 50 milionë euro./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm